Home/Chhatrapati Sambhajinagar
Yahin ka hoon · Mil ke baat ho sakti hai

Chhatrapati Sambhajinagar me website banwani hai?

Website designer in Chhatrapati Sambhajinagar (Aurangabad)

Restaurant, salon, clinic, dukaan, gym, coaching — sheher ke business ke liye website banata hoon, aur Google Business Profile bhi set karta hoon taaki log aapko dhoondh sakein. Saat din, saaf daam.

WhatsApp pe baat karo Call karo
7 dinMe ready
₹4,999Se shuru
Marathi
HindiJis me chaho
Mil keBaat ho sakti hai
Kiske liye kaam karta hoon

Sheher ka har business.

Har dhande ki zaroorat alag hoti hai. Restaurant ko menu chahiye, clinic ko appointment, dukaan ko catalogue. Ek hi template sab pe chipka dena kaam nahi karta.

Restaurant & cafe

Menu, photos, timing, table booking aur Zomato/Swiggy ke link. Google Maps directions bhi.

Salon & parlour

Service ki rate list, before/after gallery, aur seedha WhatsApp pe booking.

Clinic & hospital

Doctor profile, OPD timing, services aur appointment ka form ya call button.

Dukaan & showroom

Product catalogue, offer banner, location aur poochhne ke liye WhatsApp.

Gym & fitness

Membership plans, trainer info, facility photos aur free trial ka form.

Coaching & classes

Course list, fees, faculty, result highlights aur admission enquiry.

Real estate

Property listing, photo gallery, location map aur site visit ka enquiry button.

Aur bhi bahut

Aapka dhanda list me nahi hai? Batao — aksar ho hi jata hai.

Google pe dikhna

Website ban gayi, par milegi kaise?

Sambhajinagar me koi phone uthake "restaurant near me" ya "salon in CIDCO" search karta hai. Us list me aane ke liye sirf website kaafi nahi — Google Business Profile theek se bharna padta hai. Wo bhi main hi karta hoon, website ke saath, bina extra paise ke.

  • Google Business Profile — banana ya theek karna, category, timing, photos, service list
  • Maps pe location — sahi pin, directions ka button website pe
  • Local SEO — sheher aur ilaake ka naam page me sahi jagah, taaki Google samjhe aap kahan ho
  • Search Console — site submit, sitemap, aur ye dekhna ki kaun se search pe aa rahe ho
  • Reviews — customer se review maangne ka seedha link, jo WhatsApp pe bhej sako

Ek baat saaf: "pehle number pe la dunga" — ye wada koi nahi kar sakta, main bhi nahi. Setup theek karna mera kaam hai, uske baad Google ko kuch hafte lagte hain.

Poore sheher me kaam

CIDCO ho ya Garkheda, Nirala Bazar ho ya Jalna Road — sheher ke kisi bhi ilaake me kaam karta hoon. Waluj, Beed Bypass, Aurangpura, aur aas-paas ka poora Marathwada bhi.

Aur agar aap sheher se bahar ho to bhi rukna nahi padta — kaam WhatsApp, call aur screen-share pe ho jata hai, India me kahin bhi.

CIDCOGarkhedaNirala Bazar Jalna RoadWalujBeed Bypass AurangpuraPoora Marathwada
Kyun main

Ek hi sheher me hain. Kabhi bhi mil sakte hain.

Website ka kaam bharose pe chalta hai. Main yahin rehta hoon — aap chaho to mil ke baat kar sakte ho, dukaan dikha sakte ho, aur kaam ke chhe mahine baad bhi wahi number, wahi banda milega.

Baat Marathi me karo ya Hindi me, jaisa aapko theek lage. Technical bhasha nahi bolunga — jo cheez jitni hai, utni hi bataunga.

Mera banaya kaam dekho
Daam

Poochhna nahi padega. Yahin likha hai.

Domain aur hosting ka kharcha alag hai — saal ka lagbhag ₹1,000–1,500, aur wo aapke apne naam pe hota hai.

Starter

₹4,999
3 din

1 page. Mobile ready, photo gallery, WhatsApp aur call button, Google Maps location.

Business

₹9,999
7 din

4–5 page. Menu ya service list, gallery, reviews, basic SEO, 15 din free changes.

Premium

₹18,999
10–14 din

8+ page, logo design, full SEO, Google Business Profile setup, 1 mahina support.

Har package me kya-kya hai — poori list

Paisa kab aur kaise — 50% advance, preview link pe poori site, phir baaki 50% aur live. Poora tareeka

Sawaal

Jo sab poochhte hain

Milna padega ya online ho jayega?
Jaisa aapko theek lage. Zyadatar kaam WhatsApp pe ho jata hai — aap photos aur details bhej do, main link bhej deta hoon. Par sheher me hi hoon, to milne me koi dikkat nahi. Pehli baar mil ke baat karni ho to bata dena.
Kitna time lagta hai?
Ek page ki site teen din, char-paanch page ki saat din, aur badi site das se chaudah din. Ye tab hai jab aapse content time pe mil jaye — photos, menu ya service list, aur business ki details. Der aksar yahin hoti hai, mere taraf se nahi.
Marathi me baat kar sakte hain?
Haan, Marathi ya Hindi — jo aapko aasaan lage. Website ka content bhi Marathi, Hindi ya English me ho sakta hai, ya mila-jula. Sambhajinagar me zyadatar log Marathi aur Hindi dono padhte hain, to aksar dono ka mix theek baithta hai.
Payment kaise aur kab?
Aadha kaam shuru karne se pehle, aadha site live karne se pehle. Beech me poori site preview link pe dikhati hai — aap dekh ke haan bolo, tab hi live hoti hai. UPI, bank transfer ya cash — jo theek lage. Baat karne ka ya pehla design dekhne ka koi paisa nahi. Design pasand na aaye to advance wapas. Poora payment tareeka dekho
Meri purani website kharab hai, theek kar sakte ho?
Aksar haan. Pehle dekhta hoon ki site kis cheez pe bani hai aur uska access aapke paas hai ya nahi. Chhoti dikkat — mobile pe toot rahi hai, dheemi hai, purana content — to theek ho jati hai. Kabhi-kabhi nayi banana hi sasta padta hai; jo sach hoga wahi bataunga.
Domain aur hosting kiske naam pe hoti hai?
Hamesha aapke naam pe. Kharcha alag hota hai, saal ka lagbhag ₹1,000–1,500. Setup main kar deta hoon, payment aap karte ho. Ye zaroori hai — agar domain mere naam pe ho aur kal ko aap kisi aur se kaam karwana chaho, to aap phans jaate ho. Isliye pehle din se aapke naam pe.
Google pe kab tak dikhne lagunga?
Site live hone ke baad Search Console me submit karta hoon aur Google Business Profile set karta hoon. Google ko index karne me kuch din se do hafte lagte hain — ye normal hai. Business Profile aksar jaldi dikhne lagta hai. Pehle number ka wada koi nahi kar sakta.
Shuru karein?

Ek message. Baaki main dekh lunga.

Business ka naam aur kya chahiye — bas itna bhej do. Daam aur time wahin bata dunga. Koi form nahi bharna.

WhatsApp pe baat karo Call karo

+91 76663 03972  ·  sudam4002@gmail.com

WhatsApp